أنا رح اكتب هون شو هيه الأوراق اللي لازم تتساوى لحتى تتقدم لامتحان الكولكيوم , ما بظن في اختلاف بين مشفى المجتهد و غير مشافي ...
المدة اللازمة ليكون إلك حق بالتقديم لامتحان الكولكيوم هي 60 شهر ...
الأوراق اللازمة :
بيان خدمة تفصيلي (للإجازات بلاراتب و المرضية) من كل مشفى أو مركز طبي داومت فيه ..
دفتر الملازمة : دفتر بيتوقع من رؤساء الشعب (جراحة عامة في حال كان إلك استاج _ الجراحة العظمية ) حسب المشفى اللي كنت فيه .. هاد الدفتر بيتوقع من الذاتية بآخر مشفى عم بتداوم فيه .. و بعدين من مدير المشفى
طلب للتقدم لامتحان الكولكيوم, من مديرية الصحة بيتوقع من رئيس الشعبة و مدير المشفى اللي عم بتداوم فيها و بعدين من المديرية ..
في شي خاص بمشفى دمشق (المجتهد) و هو العلامات , شي إلو علاقة بحضور المحاضرات و الندوات العلمية و المؤتمرات و كمان بترجمة موضوع معين أو إعداد محاضرات ضمن الشعبة .. و بالنهاية لازم تجمع علامات لحتى يتوقع الطلب من مدير المشفى .. بيتحدد عدد العلامات اللي لازم تجمعون قبل كل امتحان ...
بيطلبوا منك بالمديرية مع كل هالوراق :
صورة عن الترخيص المؤقت , بيكون معك بكل الأحوال مع الوراق اللي عم بتجهزها.
براءة ذمة من النقابة.
22-10-2008
